Azərbaycan | Rus | English
SAYTDA BU GÜN: Hava limanında fəaliyyət göstərən “Bakı Taksi Xidməti” qiymətlərdə endirim edib **** ® “Kapital Bank”dan gənclərə komissiyasız kredit **** ® “Huawei Mate 20 Pro” smartfon bazarında çevriliş edir **** Bakcell “Milli KSM Mükafatı 2018” müsabiqəsinin qalibi olub **** Ölkəmizdə zəfərançılığın inkişafı üçün böyük potensial var **** “Kaspersky Lab” Azərbaycanda 2018-ci ilin əsas kibertəhdidlərini müəyyənləşdirib **** ® “AtaBank”ın əməkhaqqı kart sahiblərinə şad xəbər ****
Qəzetin çap variantları
18-24 aprel 2019-cu il
15 (1063)
11-17 aprel 2019-cu il
14 (1062)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
İKT

Fevralın 2-də Bakıda “Four Seasons” mehmanxanasında “İrşad Electronics” şirkəti tərəfindən “Honor 10” ailəsinin yeni üzvü olan “Honor 10 Lite” modelinin təqdimatı keçirilib. Təqdimatda media nümayəndələri, blogerlər və şirkətin dilerləri iştirak edib.

Tədbirin açılışında çıxış edən “İrşad Electronics” şirkətinin satışa nəzarət departamentinin rəhbəri Aris Şıxaliyev bildirib ki, “Honor” telefonları həm parametrlərinə, həm də qiymətlərinə görə bazarda özünü doğruldub. Artıq yüksək parametrlərə malik telefonları münasib qiymətlərə almaq mümkündür: “Honor 10 Lite” aşağı qiymətinə qarşı qəşəng dizayna, geniş xüsusiyyətlərə malik bir telefondur. 24 meqapiksel kameraya, 3 GB əməliyyat, 32 GB daxili yaddaşa malik bu telefonun qiyməti cəmi 499 manatdır. Digər markaların “Honor 9 Lite” səviyyəsində parametrlərə malik olan modelləri daha bahadır”.

“Honor”dan böyük hədəflər

Təqdimat mərasimində “Honor” şirkətinin nümayəndəsi çıxış edərək bildirib ki, “Huawei” şirkətinin tərkibində fəaliyyət göstərən “Honor” münasib qiymətlərə geniş funksiyalı telefonlar istehsal edir. Şirkət 2020-ci ildə beşinci, 2022-ci ildə isə üçüncü ağıllı telefon istehsalçısı olmağı hədəfləyir.

Telefonun üzünün 90 faizini ekran tutur

Daha sonra “Honor 10 Lite” modelinin xüsusiyyətləri barədə məlumat verilib. Bildirilib ki, telefonda ilk diqqəti çəkən geniş ekranıdır. Telefonun üzünün 90 faizi ekrandan ibarətdir. 6.2 düyümlük ekrana malik “Honor 10 Lite”da, “Full HD + IPS LCD” ekrandan istifadə edilir.

Güclü prosessoru ilə sürətli işləyir

Qəşəng dizayna malik “Honor 10 Lite” telefonu gücünü “Kirin 710” prosessorundan alır. Bu prosessor daha qüsursuz bir performans təqdim edir, yəni telefon “donmur”. 3 GB RAM ağıllı telefonun əməliyyat sürətini yüksəldir. Azərbaycan bazarında “Honor 10 Lite”ın 32 GB daxili yaddaşa malik versiyası təqdim edilir. Yaddaşı “MicroCD” kart ilə 512 GB-a qədər artırmaq mümkündür. “Honor 10 Lite” telefonu “Andorid 9 Pie” əməliyyat sistemi ilə təchiz olunur.

Oyun həvəskarları üçün mükəmməl telefon

“Honor” şirkəti texnologiyanı modaya və gənclərin ehtiyaclarına adaptasiya edir. “Honor 10 Lite” modelində “Honor” şirkətinin cığır açan “GPU Turbo” qrafik texnologiyası da mövcuddur. Bu texnologiya oyun həvəskarlarının ürəyincə olacaq. “Honor 10 Lite”da yüksək kadr sürətindəki oyunları oynamaq zövq verir. Eyni zamanda, oyun oynadıqda “GPU Turbo” sayəsində batareyanın enerjisi gec tükənir.

24 meqapiksel selfi kamerası

“Honor 10 Lite”ın arxa hissəsində 13 MP və 2MP olmaqla cüt, ön hissəsində isə 24 MP selfi kamerası yer alır. Kameralar süni intellekt texnologiyasını istifadə edir. “Honor 10 Lite” fərqli obyektləri tanıya və fərqli ssenarilərə görə ən uyğun nizamlamaları edə bilir.

24 MP selfi kamerası həm gündüz, həm də gecə yüksəkkeyfiyyətli fotolar çəkməyə imkan verir. Ön kamera səkkiz selfi ssenarisini tanıyır və fotoşəkilin arxa planını da optimizə edir. Telefonun “AI” adlı gözəllik alqoritmi yaşınıza, cinsiyyətinizə və dəri tonunuza görə gözəllik effektlərini fərdiləşdirərək təbii bir görünüş əldə etmənizi təmin edir. "AI" texnologiyasının işıqlandırma rejimləri ilə evinizdə studiya keyfiyyətində selfilər çəkmək artıq çox asandır.

Super gecə çəkilişi

Artıq möhtəşəm gecə çəkilişləri üçün professional bacarıqlara da ehtiyac yoxdur. Titrəşmənin qarşısını alan “Super Gecə Çəkilişi” rejimilə mükəmməl gecə çəkilişləri edə bilərsiniz.

Süni intellekt ilə güclü rabitə

“Honor”un süni intellekt texnologiyası zəif telefon siqnalı olan bölgələrdə zənglərin keyfiyyətini artırır. Eyni zamanda, süni intellekt texnologiya istifadəçinin liftə girdiyini müəyyən edir və çıxdıqda telefonu üç saniyə ərzində 4G şəbəkəsinə bağlayır. Telefonun SIM kart giriş sayı 2-dir.

Ayda 28 manat ödəyərək al

Təqdimatda bildirilib ki, “Honor 10 Lite” telefonunu nağd qiymətinə 12 və 18 ay müddətlərinə hissə-hissə ödənişlər ilə də almaq olar (Telefonun nağd qiyməti 12 və ya 18 aya bölünür). “Kapital Bank”ın “Bir kart” sahibləri ilkin ödənişsiz, faizsiz və komissiyasız 18 ay müddətinə hissə-hissə ödəniş imkanından faydalana bilərlər. Bu zaman aylıq ödəniş 27,72 manat təşkil edir. “İrşad Electronics”in daxili şərtləri ilə də telefonu ilkin ödənişsiz, komissiyasız, faizsiz 12 ay hissə-hissə ödənişlər ilə əldə etmək olar. Bu halda aylıq ödəniş 41,58 manat təşkil edir.

Daha ətraflı: https://irtelecom.az/honor-10-lite.

Qeyd edək ki, hazırda “İrşad Electronics” mağazalarında “Honor 10 Lite” modeli ilə bərabər “Honor 7A”, “Honor 7C”, “Honor 8X”, “Honor 9 Lite”, “Honor 10” modelləri də satışdadır. “Honor” telefonlarının qiyməti 249 manatdan başlayır.