Azərbaycan | Rus | English
SAYTDA BU GÜN: İslam bankçılığı davamlı inkişaf amili kimi **** İlham Əliyev: “ İslahatların davam etdirilməsi üçün biz çox ciddi işləməliyik, daim inkişafda, axtarışda olmalıyıq” **** Maliyyə böhranı şəraitində müəssisələrin tətbiq etdiyi strategiyalar **** Vətənpərvər ziyalı **** “Bakcell”dənuşaq şahmat turnirinə növbəti dəstək **** Birinci vitse-prezident Mehriban Əliyeva Rusiya Federasiya Şurasının sədri Valentina Matviyenko ilə görüşüb **** Hava limanında fəaliyyət göstərən “Bakı Taksi Xidməti” qiymətlərdə endirim edib ****
Qəzetin çap variantları
4-10 iyul 2019-cu il
26 (1074)
20 iyun - 3 iyul 2019-cu il
25 (1073)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Bank və maliyyə

Mərkəzi Bankın Naxçıvan Muxtar Respublikası İdarəsinə Press-tur keçirilmişdir

 

Azərbaycan Respublikasının Mər­kəzi Bankının kommunikasiyasının başlıca hədəf qrupu kimi media institutları ilə peşəkar əməkdaşlığın gücləndirilməsi, jurnalistlərin mərkəzi bankçılıq sahəsində biliklərinin artırılması məsələləri daim diqqət mərkəzində saxlanılır. Bu məqsədlə mütəmadi olaraq Mərkəzi Bank tərəfindən media nümayəndələri üçün ənənəvi olaraq “Açıq qapı” tədbirləri, “Mərkəzi Bankçılıq” və “Maliyyə-bank sisteminə dair bilik və bacarıqların təkmilləşdirilməsi” mövzusunda təlimlər təşkil olunur.
Bu prosesin davamı olaraq cari ilin 10 aprel-15 may tarixlərində KİV nümayəndələri üçün “Mərkəzi Bankçılıq və Maliyyə savadlılığı” mövzusunda treninq keçirilmişdir. Treninqin sonunda seminarlarda fəal iştirak edən və keçirilən test imtahanında yüksək nəticələr göstərən jurnalistlər, həmçinin yerli televiziya və mətbuat nümayəndələri üçün Mərkəzi Bankın Naxçıvan Muxtar Respublikası (MR) İdarəsinə press-tur təşkil edilmişdir.
Press-turun keçirilməsində əsas məqsəd media nümayəndələrini idarənin, eləcə də digər müvafiq təşkilatların fəaliyyəti barədə əyani məlumatlandırmaq olmuşdur.
Press-tur zamanı KİV nümayəndələrinə muxtar respublikada sosial-iqtisadi inkişafın dinamik xarakter alması, burada bank-maliyyə institutlarının inkişafı, iqtisadi və maliyyə savadlılığının artırılması, idarənin həyata keçirdiyi funksiyalar və muxtar respublika iqtisadiyyatı üçün idarənin əhəmiyyəti barədə məlumat verilmişdir.
Jurnalistlərə “Mərkəzi Bankın Naxçıvan MR İdarəsinin yerinə yetirdiyi funksiyalar və muxtar respublikada bank infrastrukturu” adlı təqdimat nümayiş olunmuşdur. Təqdimatla jurnalistlərə muxtar respublikada bank infrastrukturu və statistik göstəricilər, o cümlədən müasir elektron ödəniş xidmətlərinin tətbiqinin və nağdsız hesablaşmaların genişləndirilməsi istiqamətində tətbiq olunan dövlət proqramları, həmin proqramlardan irəli gələn vəzifələrin icrası istiqamətində görülmüş işlərdən bəhs edilmişdir. Təqdimatın sonunda jurnalistləri maraqlandıran suallar cavablandırılmışdır.
Sonra jurnalistlər idarənin struktur bölmələri, o cümlədən muxtar respublikanın bank-maliyyə infrastrukturları, eləcə də Naxçıvan şəhərində fəaliyyət göstərən kommersiya banklarının iş fəaliyyəti ilə tanış olmuşlar.
Mərkəzi Bankın Naxçıvan MR İdarəsinə press-turdan sonra jurnalistlər Naxçıvan Dövlət Texniki Kollecində olmuş və kollecin fəaliyyəti barədə onlara ətraflı məlumat verilmişdir. Bildirilmişdir ki, kollecdə Mərkəzi Bankın dəstəyi ilə yaradılmış Bank və poçt işi kabinəsi regionda bankçılıq sahəsində orta ixtisaslı kadrların yetişdirilməsində xüsusi əhəmiyyətə malikdir.