Azərbaycan | Rus | English
SAYTDA BU GÜN: İslam bankçılığı davamlı inkişaf amili kimi **** İlham Əliyev: “ İslahatların davam etdirilməsi üçün biz çox ciddi işləməliyik, daim inkişafda, axtarışda olmalıyıq” **** Maliyyə böhranı şəraitində müəssisələrin tətbiq etdiyi strategiyalar **** Vətənpərvər ziyalı **** “Bakcell”dənuşaq şahmat turnirinə növbəti dəstək **** Birinci vitse-prezident Mehriban Əliyeva Rusiya Federasiya Şurasının sədri Valentina Matviyenko ilə görüşüb **** Hava limanında fəaliyyət göstərən “Bakı Taksi Xidməti” qiymətlərdə endirim edib ****
Qəzetin çap variantları
4-10 iyul 2019-cu il
26 (1074)
20 iyun - 3 iyul 2019-cu il
25 (1073)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Siyasət
Azərbaycan səfiri etimadnaməsini Pakistan Prezidentinə təqdim etmişdir
 
Mayın 2-də Azərbaycan Respublikasının Pakistan İslam Respublikasında yeni təyin olunmuş səfiri Daşqın Şikarov etimadnaməsini Prezident Asif Əli Zərdariyə təqdim etmişdir.
Səfirlikdən bildirmişlər ki, diplomat Azərbaycan Prezidenti İlham Əliyevin salamlarını və ölkəmizə səfər etmək barədə dəvətini Pakistan dövlətinin başçısına çatdırmışdır.
Səfir iki qardaş ölkə arasında siyasi əlaqələrin yüksək səviyyədə inkişaf etdiyini, Pakistanın Azərbaycanın əsas və ən önəmli tərəfdaşlarından biri olduğunu bildirmişdir. Görüşdə D.Şikarov ölkəmizdə gedən quruculuq işləri, Ermənistan-Azərbaycan, Dağlıq Qarabağ münaqişəsi ilə bağlı ətraflı məlumat vermişdir.
Səfir Azərbaycan hökumətinin iki ölkə arasında əlaqələrin xüsusilə də, ticarət, sənaye və müdafiə sahələrini inkişaf etdirmək niyyətində olduğunu bildirmişdir. O, hər iki ölkə arasında dostluq əlaqələrinin strateji müttəfiqlik müstəvisində beynəlxalq və regional təşkilatlar çərçivəsində uğurla inkişaf etdiyini diqqətə çatdırmışdır. Azərbaycanlı diplomat Pakistanın hər zaman Ermənistan-Azərbaycan, Dağlıq Qarabağ münaqişəsinin həllinə dair Azərbaycan tərəfinin mövqeyini birmənalı şəkildə dəstəkləməsinin, münaqişənin Azərbaycanın maraqlarına uyğun şəkildə ədalətli həllinə tərəfdar olmasının və məhz bu səbəbdən Ermənistanın dövlət kimi tanımamasının ölkəmizdə yüksək qiymətləndirildiyini xüsusi vurğulamışdır.
Pakistan Prezidenti A.Ə.Zərdari Azərbaycanla ümumi tarixi, mədəni və dini əsaslara söykənən qardaşlıq münasibətlərinin gələcək inkişafında maraqlı olduğunu qeyd etmişdir. Prezident Pakistanın Azərbaycanın müstəqilliyini tanıyan ilk ölkələrdən biri olduğunu, həm Ermənistan-Azərbaycan, Dağlıq Qarabağ məsələsində, həm də işğal olunmuş Azərbaycan ərazilərinin azad edilməsində respublikamızı davamlı olaraq dəstəklədiyini bildirmişdir.
Ötən il Pakistanda baş vermiş sel fəlakəti zamanı Azərbaycanın verdiyi dəstəyi unutmayacaqlarını qeyd edən Pakistan dövlətinin başçısı bunun üçün Azərbaycan xalqına, xüsusilə də Prezident İlham Əliyevə təşəkkürünü bildirmişdir. Dəvətə görə Prezident İlham Əliyevə minnətdar olduğunu bildirən A.Ə.Zərdari, qardaş ölkəyə səfər etməkdən məmnun olacağını ifadə etmişdir.
Rəsmi İslamabadın iki ölkə arasındakı iqtisadi əlaqələri inkişaf etdirmək niyyətində olduğunu vurğulayan Pakistan Prezidenti İslamabad-Bakı və ya Kəraçi-Bakı marşrutları üzrə uçuşların həyata keçirilməsi üçün çalışacaqlarını da diqqətə çatdırmışdır. A.Ə.Zərdari Heydər Əliyev Fondu tərəfindən Kəşmirdə inşa edilən məktəbin əhəmiyyət kəsb etdiyini vurğulayaraq, Fondun Prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevaya təşəkkürünü bildirmişdir. Ölkə başçısı, həmçinin Kəşmir məsələsində Azərbaycanın daimi göstərdiyi dəstəyi və ölkəmizin İslam Konfransı Təşkilatının (İKT) təmas qrupunda bu münaqişənin BMT Təhlükəsizlik Şurasının qətnamələri əsasında həll olunmasını dəstəkləməsini yüksək qiymətləndirdiklərini ifadə etmişdir.
Azərbaycanlı diplomat Bakının yağlı boya ilə təsvir olunmuş mənzərəsini əks etdirən tablonu Pakistan Prezidentinə hədiyyə etmişdir.