Azərbaycan | Rus | English
SAYTDA BU GÜN: Hava limanında fəaliyyət göstərən “Bakı Taksi Xidməti” qiymətlərdə endirim edib **** Milli sərvət davamlı inkişafın dayağıdır **** ® “Kapital Bank”dan gənclərə komissiyasız kredit **** ® “Huawei Mate 20 Pro” smartfon bazarında çevriliş edir **** Bakcell “Milli KSM Mükafatı 2018” müsabiqəsinin qalibi olub **** Ölkəmizdə zəfərançılığın inkişafı üçün böyük potensial var **** “Kaspersky Lab” Azərbaycanda 2018-ci ilin əsas kibertəhdidlərini müəyyənləşdirib ****
Qəzetin çap variantları
14-27 mart 2019-cu il
10 (1059)
7-13 mart 2019-cu il
9 (1057)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Real iqtisadiyyat

Azərbaycan istehsalı olan şərab məhsullarının Rusiya Federasiyasına ixracının əlverişli şəkildə həyata keçirilməsi məqsədilə Azərbaycan-Rusiya dövlət sərhədinin qarşı tərəfdəki gömrük keçid məntəqəsi ərazisində aksiz postu yaradıla bilər.

Dövlət Gömrük Komitəsinin mətbuat xidmətindən bildirilib ki, bu barədə Xaçmaz şəhərində Azərbaycan və Rusiya dövlət sərhədindəki gömrük buraxılış məntəqələrində yaranan problemlərin operativ həlli və müəyyən buraxılış məntəqələrinin işinin effektivliyinin artırılması üzrə məsələlərin müzakirəsi məqsədilə Gömrük Komitəsi və Rusiya Federasiyası Federal Gömrük Xidmətinin nümayəndələri arasında keçirilən işçi görüşdə deyilib. Görüşdə Azərbaycan Respublikası Dövlət Gömrük Komitəsi Xarici Əlaqələr İdarəsi, Şimal Ərazi Baş Gömrük İdarəsi və Rusiya Federal Gömrük Xidmətinin Şimali-Qafqaz Gömrük İdarəsinin nümayəndələri iştirak edib.

Görüş zamanı, iki ölkə arasında mövcud dostluq əlaqələrinin bu gün də uğurla davam etdirilməsinin bariz nümunəsi kimi sentyabrın 1-də Azərbaycan Respublikasının Prezidenti İlham Əliyevin Rusiya Federasiyasına rəsmi səfəri, bu səfər çərçivəsində müzakirə olunan məsələlərin ölkələrimizin bütün sahələrinə, o cümlədən iqtisadi həyatına verəcək töhfələri, gömrük işi sahəsində ikitərəfli əməkdaşlığın daha da genişləndirilməsi, bu sahədə hüquq müqavilə bazasını gücləndirəcək iki sənədin imzalanmasının əhəmiyyəti vurğulanıb.

Daha sonra, görüşün gündəliyinə müvafiq olaraq Azərbaycan Respublikası Dövlət Gömrük Komitəsi və Rusiya Federasiyası Federal Gömrük Xidməti arasında müəyyən növ mallara münasibətdə gömrük nəzarətinin nəticələrinin qarşılıqlı tanınması haqqında 2015-ci il 3 iyul tarixli Protokolun həyata keçirilməsi, növbələrin yaranmasının qarşısının alınması məqsədilə hər iki ölkənin gömrük orqanları arasında səmərəli qarşılıqlı fəaliyyətin təşkili, malların idxalı və ixracı zamanı gömrük dəyərinə nəzarətə dair Azərbaycan Respublikasının qanunvericiliyi və normativ sənədlərlə tanışlıq, həmçinin malların mənşəyi barədə elektron sertifikatlar sisteminin yaradılmasına dair məsələlər müzakirə olunub.

Bununla yanaşı, görüşdə Rusiya Federasiyasının gömrük orqanları tərəfindən tətbiq olunan müasir gömrük texnologiyaları ilə Azərbaycanın xarici iqtisadi fəaliyyət iştirakçılarını və daşıyıcılarını tanış etmək üçün cari ilin noyabr ayında seminar-məşğələnin təşkil edilməsi, həmçinin Azərbaycan və Rusiya arasında keçirilən mal və nəqliyyat vasitələri barədə ilkin məlumat mübadiləsinin təşkili istiqamətində sərhəd gömrük postlarının nümayəndələri tərəfindən əməkdaşlığın davam etdirilməsinin zəruriliyi vurğulanıb.

İşçi görüşdə, həmçinin Azərbaycan istehsalı olan şərab məhsullarının Rusiya Federasiyasına ixracının əlverişli şəkildə həyata keçirilməsi məqsədilə Azərbaycan-Rusiya dövlət sərhədinin qarşı tərəfdəki gömrük keçid məntəqəsi ərazisində aksiz postunun yaradılması ilə bağlı məsələ Rusiya Federasiyası Federal Gömrük Xidmətinin nümayəndələrinin diqqətinə çatdırılıb. Məsələ ilə bağlı qarşı tərəf aidiyyəti dövlət qurumlarına müvafiq müraciətin təqdim olunacağını və qısa zamanda münasibətin bildiriləcəyini qeyd edib.