Azərbaycan | Rus | English
SAYTDA BU GÜN: Hava limanında fəaliyyət göstərən “Bakı Taksi Xidməti” qiymətlərdə endirim edib **** Milli sərvət davamlı inkişafın dayağıdır **** ® “Kapital Bank”dan gənclərə komissiyasız kredit **** ® “Huawei Mate 20 Pro” smartfon bazarında çevriliş edir **** Bakcell “Milli KSM Mükafatı 2018” müsabiqəsinin qalibi olub **** Ölkəmizdə zəfərançılığın inkişafı üçün böyük potensial var **** “Kaspersky Lab” Azərbaycanda 2018-ci ilin əsas kibertəhdidlərini müəyyənləşdirib ****
Qəzetin çap variantları
14-27 mart 2019-cu il
10 (1059)
7-13 mart 2019-cu il
9 (1057)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Real iqtisadiyyat

Martın 2-də Nizami rayonunun Naxçıvanski küçəsi, 74 ünvanında (8-ci kilometr yarmarkası) kənd təsərrüfatı məhsullarının satışı yarmarkası açılıb.

AZƏRTAC xəbər verir ki, respublikanın bir çox bölgələrindən gəlmiş fermerlər səhər saat 9-da açılan Novruz yarmarkasında alıcılara öz yetişdirdikləri məhsulları təklif edirdilər.

Məhsullar müxtəlif çeşiddə və bazar qiymətindən xeyli ucuz olduğundan müştəriləri qane edirdi. Bu baxımdan yarmarkada qələbəlik vardı.

Yarmarkada alış–veriş edən Təranə Məmmədova da məhsulların qiymətindən razı qaldığını bildirib. Nizami rayon sakini olduğunu deyən T.Məmmədova qeyd edib ki, burada alıcılara təklif edilən kənd təsərrüfatı məhsulları ekoloji cəhətdən təmiz olmaqla yanaşı, qiymətləri də çox sərfəlidir.

Kənd təsərrüfatı naziri İnam Kərimov səhər saatlarında yarmarkanı ziyarət edib, fermerlərlə görüşüb, məhsulların keyfiyyəti və qiymətləri ilə maraqlanıb.

Nazir jurnalistlərə müsahibəsində deyib: “Prezident İlham Əliyevin tapşırığı ilə Bakı şəhərində və respublikanın müxtəlif yerlərində kənd təsərrüfatı məhsullarının yarmarkası təşkil edilir. Əsas məqsəd fermerlərin istehsal etdikləri məhsulların bazara birbaşa çıxarılması, süni qiymət artımının qarşısının alınması və məhsul bolluğunun yaradılmasıdır. Novruz bayramı ərəfəsində ərzaq və kənd təsərrüfatı məhsullarına tələbat çoxalır. Hesab edirəm ki, alıcılar bu yarmarkalardan məmnun qalacaqlar”.

Qeyd edək ki, Kənd Təsərrüfatı Nazirliyinin təşkil etdiyi yarmarka martın 16-dan 21-dək fəaliyyət göstərəcək.