Azərbaycan | Rus | English
SAYTDA BU GÜN: Hava limanında fəaliyyət göstərən “Bakı Taksi Xidməti” qiymətlərdə endirim edib **** Milli sərvət davamlı inkişafın dayağıdır **** ® “Kapital Bank”dan gənclərə komissiyasız kredit **** ® “Huawei Mate 20 Pro” smartfon bazarında çevriliş edir **** Bakcell “Milli KSM Mükafatı 2018” müsabiqəsinin qalibi olub **** Ölkəmizdə zəfərançılığın inkişafı üçün böyük potensial var **** “Kaspersky Lab” Azərbaycanda 2018-ci ilin əsas kibertəhdidlərini müəyyənləşdirib ****
Qəzetin çap variantları
14-27 mart 2019-cu il
10 (1059)
7-13 mart 2019-cu il
9 (1057)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Xarici xəbərlər
Türk Strateji Araşdırmalar Mərkəzinin (TÜRKSAM) sədri, politoloq Sinan Oğan bildirmişdir ki, bütün dünyanın ən təhlükəli fəlakət mənbəyi olan Ermənistandakı Metsamor atom elektrik stansiyası (AES) Türkiyə sərhəddinin 16 kilometrliyindədir və oradakı insanların həyatını təhdid edir.
Politoloq vurğulamışdır ki, dünyada dördüncü nəsil atom elektrik stansiyaları inşa olunduğu bir zamanda Metsamor kimi AES-lər çoxdan fəaliyyətini dayandırmışdır. Beynəlxalq Atom Enerjisi Agentliyi və Avropa İttifaqının ekspertləri və bu stansiyanı ən təhlükəli obyekt kimi dəyərləndirmişlər. 2001-ci il yanvarın 25-də Ermənistan Avropa Şurasına üzv qəbul edilərkən Metsamor AES-in fəaliyyətini dayandıracağına dair öhdəlik götürmüş, lakin onu yerinə yetirməmişdir. Onu da qeyd etmək lazımdır ki, bu təhlükəli stansiyada 150 dəfədən çox qəza baş vermişdir. Bu səbəbdən, Türkiyə hökuməti baş verə biləcək ciddi qəzalara qarşı tədbirlər həyata keçirməlidir.
Sinan Oğan əlavə etmişdir ki, beynəlxalq standartlara görə Rixter cədvəli üzrə minimum 5 bal gücündə zəlzələ ola biləcək seysmik zonalarda AES inşa edilməsinə icazə verilmir. Ermənistan parlamentinin enerji komissiyasının üzvü Robert Hazaryan da bu stansiyanın beynəlxalq standartlara cavab vermədiyini, Avropadakı AES-lərin daha etibarlı olduğunu bəyan etmişdir. Metsamor AES Rixter cədvəli ilə 8 bal gücündə zəlzələnin baş verə biləcəyi ərazidə yerləşir və 1988-ci ildə baş vermiş zəlzələdən də zərər görmüşdür. Stansiyanın radiasiya sızıntısı ilə çirklənmiş suları yeraltı sulara qarışmış və İğdır vilayətində ciddi fəsadlara səbəb olmuşdur. Şikəst uşaqların, xərcəng xəstəliyinə tutumüş insanların, anormal doğulmuş heyvanların sayının artması həyəcan siqnalıdır və rəsmiləri ciddi düşündürməlidir.