Azərbaycan | Rus | English
SAYTDA BU GÜN: İslam bankçılığı davamlı inkişaf amili kimi **** İlham Əliyev: “ İslahatların davam etdirilməsi üçün biz çox ciddi işləməliyik, daim inkişafda, axtarışda olmalıyıq” **** Maliyyə böhranı şəraitində müəssisələrin tətbiq etdiyi strategiyalar **** Vətənpərvər ziyalı **** “Bakcell”dənuşaq şahmat turnirinə növbəti dəstək **** Birinci vitse-prezident Mehriban Əliyeva Rusiya Federasiya Şurasının sədri Valentina Matviyenko ilə görüşüb **** Hava limanında fəaliyyət göstərən “Bakı Taksi Xidməti” qiymətlərdə endirim edib ****
Qəzetin çap variantları
5-11 sentyabr 2019-cu il
35 (1082)
29 avqust 4 sentyabr 2019-cu il
34 (1081)
Q?zetin ?ap variantlar?n?n arxivi

Faydalı linklər   

www.president.az
www.samedzade.az
www.azerbaijan.az
www.meclis.gov.az
www.banker.az
www.aii.az
Portret

“AITF 2011” bu il öz 10 illik yubileyini qeyd edir

Bu il öz 10 illik yubileyini qeyd edən “AITF 2011” Azərbaycan Beynəlxalq Turizm və Səyahətlər Sərgisi 28-30 aprel 2011-ci il tarixlərində “Baku Ekspo” sərgi mərkəzində keçiriləcək. Bu illər ərzində “AITF” sərgisi haqlı olaraq bütün Xəzəryanı regionun turizm sənayesinin əsas hadisəsi adına layiq görülüb. Belə ki, bu sərgidə əhəmiyyətli görüşlər keçirilir, tərəfdaşlıq haqqında müqavilələr imzalanır və yeni proqramlar, qiymətlər və istiqamətlər barədə məlumat verilir. Ötən ilki sərgini Azərbaycan Respublikasının Prezidenti cənab İlham Əliyevin şəxsən ziyarət etməsi bu sərginin tarixində ən mühüm hadisə oldu. Bu isə  sözsüz ki, sərginin statusunu əhəmiyyətli dərəcədə yüksəldərək bütün tədbir iştirakçıları üçün parlaq bir hadisəyə çevrildi. Dövlət başçısı ölkənin genişlənən turizm potensialını - Azərbaycan üzrə maraqlı turizm marşrutlarını əks etdirən regional stendlərə baş çəkdi. Cənab İlham Əliyev həmçinin öz turizm təklifləri ilə Azərbaycanı maraqlandırmağa çalışan digər ölkələrin də ekspozisiyaları ilə yaxından tanış oldu.

Bu il “AITF” sərgisi birdən-birə iki əlamətdar hadisəni - öz yubileyini və 2011-ci ilin Azərbaycanda Turizm İli elan edilməsini bayram edəcək. Ölkənin turizm sektoru üçün əlamətdar olan bu hadisə şübhəsiz ki, tarixə parlaq dəyişikliklər mərhələsi kimi daxil olacaq və artıq bu gün sərginin cari ildəki artım dinamikasını da proqnozlaşdırır. Belə ki, “AITF 2011” yubiley sərgisində 150 dən çox şirkətin iştirakı, habelə 23 ölkə və 55 istiqamətin təqdim ediləcəyi gözlənilir. “AITF” sərgisinin nailiyyətlərindən biri də odur ki, 2010-cu ilin sərgisində iştirak etmiş bütün milli qruplar “AITF 2011” sərgisində iştiraklarını bir il əvvəlcədən sifariş ediblər. Beləliklə, bu ilki sərgidə Yunanıstan, Gürcüstan, Hindistan, Mavriki, Türkiyə və Çexiyanın milli stendləri iştirak edəcək.

Sərgi, bünövrəsi qoyulduğu gündən etibarən, ənənəvi olaraq Azərbaycan Mədəniyyət və Turizm Nazirliyinin rəsmi dəstəyi ilə keçirilir. Bundan əlavə, sərgiyə Ümumdünya Turizm Təşkilatı, Azərbaycan Respublikası Sahibkarlar (İşəgötürənlər) Təşkilatlarının Milli Konfederasiyası tərəfindən də dəstək verilir. Türkiyə ardıcıl olaraq ikinci ildir ki, “AITF” sərgisinin tərəfdaş ölkəsi qismində çıxış edir. Türkiyənin turizm potensialı və koloriti milli stenddə təqdim ediləcək. Bundan əlavə, “AITF 2011” sərgisinin iştirakçıları siyahısında Türkiyənin iki böyük turizm operatoru da iştirak edir. Sərginin sponsorları arasında “Silk Way Travel” turizm şirkəti də var. Uzun illər boyu “Silk Way Travel” şirkəti ən böyük sərgi meydançalarından birini tutur. Bu il isə sözügedən şirkət, sponsorluqdan əlavə, stendin ölçülərini ötən il ilə müqayisədə 25% artırmaq qərarına gəlib. AITF sərgisinin rəsmi hava yolları qismində AZAL şirkəti çıxış edir.

Bu il Mədəniyyət və Turizm Nazirliyi tərəfindən Azərbaycanda təşkil edilən 2-ci Ümumrespublika Daxili Turizm Sərgisi yenidən “AITF” sərgisi ilə birgə keçiriləcək. Sərginin ekspozisiyası 18 regiondan təxminən 100 şirkəti təqdim edəcək, Azərbaycanın regional istirahət zonaları, sanatoriyaları və mehmanxanalarının parlaq koloritini nümayiş etdirəcək və “AITF 2011” sərgisinin qonaqlarını və iştirakçılarını bir sərgi meydançası daxilində Azərbaycan xalqının rəngarəng və zəngin folkloru, mətbəxi və ənənələri ilə tanış edəcəkdir.